काठमाडौं । ढुकु फुटसल र कुमारी फुटसलले तेस्रो महिला प्रिमियर फुटसल लिगमा शनिबार जित हासिल गरेका छन् ।
मण्डिखाटारस्थित ग्रासरुट रिक्रेसनल सेन्टरमा ढुकुले दि माइटी महिलाजलाई १५–२ को फराकिलो गोल अन्तरल पराजित गर्यो । कुमारी फुटसलले बार्सा नेपाललाई ३–२ गोल अन्तरले पराजित गर्यो ।
यस्तै अन्य खेलमा फुटसल एरिना र एबीसीले पनि जित जित हात पारेका छन् । फुटसल एरिनाले लाखुर फुटसललाई ३–१ तथा एबिसीले एमयुएफसी नेपाली गल्सलाई ४–२ ले पराजित गर्यो ।
लिगमा कुमारी फुटसल तीन खेलमा ३ जित निकाल्दै ९ अंकसहित शीर्ष स्थानमा रहेको छ । ३ खेलमा २ मा जित निकालेर ७ अंक जोडेका ढुकु फुटसल दोस्रो स्थानमा रहेको छ ।
लिगमा ७ अंक नै जोडेको लाखुर फुटसल, फुटसल एरिना र एबिसी क्रमश दोस्रो, तेस्रो, चौथो र पाँचौ स्थानमा छन् । तीन खेलबाट एक मात्र जित निकालेको एमयुएफसी नेपाल गल्र्स छैठौं स्थानमा अटाउँदा बार्सा नेपाल र दि माइटी महिलाज जित विहिन छन् ।
युरोपियन युनियनको मुख्य प्रायोजनमा ६ सातासम्म सञ्चालन हुने प्रतियोगिता हरेक साताको शनिबार मात्र खेल हुनेछ ।
८ टोलीको सहभागिता रहेको प्रतियोगिताका विजेतालाई प्रायोजकले नेपालमा नै उत्पादन भएका सामग्री पुरस्कार प्रदान गर्नेछ ।
-1732413260.jpg)
