लुम्बिनी इन्टर कलेज फुटसल माघ दोस्रो साता

काठमाडौ । लुम्बिनी इन्टर कलेज फुटसल प्रतियोगिता माघ १० गते आयोजना हुने भएको छ । लुम्बिनी कलेजको आयोजनामा प्रतियोगिता माघको दोस्रो साता हुने पक्का भएको हो ।

तीन दिनसम्म चल्ने प्रतियोगितका सम्पूर्ण खेल चुच्चेपाटीस्थित लुम्बिनी कलेजकै फुटसल मैदानमा हुने छ ।

प्रतियोगितमा उपत्यकाका कुल ३२ टोलीको सहभागिता रहने प्रतियोगिता संयोजक शम्भु कार्कीले बताए । प्रतियोगितालाई होली एजुकेशन फाउन्डेशनले मुख्य प्रायोजन गर्नेछ ।

प्रतियोगिताको विजेताले नगद ५० हजार हात पार्नेछ भने उपविजेताले नगद २५ हजार हात पार्नेछ ।

प्रतियोगिताका खेल लिग कम नकआउटको आधारमा खेलाइने आयोजकले बताएको छ ।

प्रतियोगिताको उत्कृष्ट स्ट्राइकर, गोलकिपर र रक्षकलाई होली एजुकेशन फाउन्डेशनले आकर्षक गिफ्ट ह्याम्परको व्यवस्था गरेको छ ।