काठमाडौं । सुर्य नेपाल गल्फ टुर अन्तर्गतको सिजनको पहिलो प्रतियोगिता सुर्य नेपाल सेन्ट्रल ओपन गल्फको पहिलो दिन तीन खेलाडीले संयुक्त रुपमा अग्रता बनाएका छन् ।
गोकर्ण गल्फ क्लबमा सोमबार नेपालका नम्बर एक गल्फर भुवन नगरकोटी, दिपक मगर र सन्जय लामाले संयुक्त अग्रता बनाएका हुन् । दुई अण्डर ७० स्कोरसहित तीनै खेलाडीले अग्रता बनाएका हुन् ।
टंक बहादुर कार्की र कुमार कामी एक अण्डर ७१ स्कोरसहित संयुक्त चौंथो र पाँचौ तथा इभन पार ७२ स्कोरसहित रबी खड्का र शुक्र बहादुर राई संयुक्त छैटौं र सातौं स्थानमा रहेका छन् ।
शिव राम श्रेष्ठ र भुवन रोक्काले संयुक्त एक ओभर ७३ स्कोर गर्दा पशुपति शर्मा, विपिन तामाङ, रामे मगर र जयराम श्रेष्ठले २ ओभर ७४ स्कोर बनाएका छन् ।
तीन दिने प्रतियोगितामा ४३ प्रोफ्रेसनल र तीन गल्फरले प्रतिस्पर्धा गरिरहेका छन् ।
प्रतियोगिताको विजेताले १ लाख २५ हजार नगद पुरस्कार पाउनेछन् । यस्तै उपविजेताले ८०हजार तथा तेस्रोले ५८ हजार पाउनेछन् । त्यसबाहेक शीर्ष २१ मा रहने खेलाडीहरुले पनि नगद पुरस्कार पाउने बताईएको छ ।
