धनगढी । फारवेष्ट कप फुटसलको उपाधि ग्रीन गोदावरी पिएफएले जितेको छ ।
धनगढीको फ्ल्याटल्याण्ड फुटसलमा आइतबार भएको फाइनलमा आयोजक फारवेष्ट पशुपति युवा क्लबलाई ९–४ ले हराउँदै ग्रीन गोदावरीले उपाधि जितेको हो ।
ग्रीन गोदावरीलाई जिताउन युगेश श्रेष्ठले ह्याट्रिक सहित ५ गोल गरे । सुमन कार्कीले दुई गोल तथा ड्यानिल खड्का र कृष्ण तामाङले एक एक गोल गरे । फारवेष्टका लागि कुँवेर सिंह र भीष्म भाटले दुई दुई गोल फर्काए ।
उपाधिसँगै ग्रीन गोदावरीले ५० हजार प्राप्त गरेको छ । उपविजेता फारवेष्टले २५ हजारमा चित्त बुझाएको छ ।
प्रतियोगिताको पहिलो संस्करण सकिएसँगै दोस्रो संस्करणको पुरस्कार राशी दोब्बरको घोषणा गरिएको छ । आगामी वर्षको दोस्रो संस्करणको विजेताले नगद एक लाख र उपविजेताले नगद ५० हजार पुरस्कार पाउने फारवेष्ट फुटसल प्रतियोगिताका संयोजक निलेश विष्टले जानकारी दिए ।
-1732413260.jpg)
