लिबर्टी र त्रिकोण एकेडेमी सेमिफाइनलमा

काठमाडौं । लिबर्टी एकेडेमी र त्रिकोण एकेडेमी पहिलो संस्करणको बालकुमार स्मृति अन्तरबिद्यालय फुटसल प्रतियोगिताको सेमिफाइनलमा प्रवेश गरेको छ ।

ब्राइट जोन स्कुलको फुटसल मैदानमा शनिबार नेप्स एकेडेमीलाई ३-१ गोल अन्तरले हराउदै लिबर्टी अन्तिम चारमा पुगेको हो ।

लिबर्टीले अब फाइनल प्रवेशका लागि विट्स एकेडेमीसँग खेल्नेछ । विट्सले क्वाटरफाइनलमा इस्टपोल स्कुललाई ६-२ गोल अन्तरले पराजित गरेको थियो ।

यस्तै त्रिकोणले वर्ल्ड युथ इन्टरनेसनललाई ५-१ गोल अन्तरले पराजित गर्यो ।

त्रिकोणले अब सेमिफाइनलमा ग्रिनतारा स्कुलसँग खेल्नेछ । ग्रिनताराले गोकर्ण लाइट इन्टरनेसनललाई ६-३ गोल अन्तरले हराएको थियो ।

एन प्याब्सन गोकर्णेश्वर नगरकमिटिले आयोजना गरेको प्रतियोगितामा काठमाडौं जिल्लाका ३९ वटा निजि तथा सामुदायिक बिद्यालयका ४४ टिमको सहभागिता रहेको छ ।