लिबर्टी एकेडेमीको विजयी सुरुवात

काठमाडौं । पहिलो संस्करणको बालकुमार स्मृति अन्तरबिद्यालय फुटसल प्रतियोगितामा बिहिबार लिबर्टी एकेडेमीले विजयी सुरुवात गरेको छ ।

एन प्याब्सन गोकर्णेश्वर नगरकमिटिले आयोजना गरेको प्रतियोगिताको उद्घाटन खेलमा लिबर्टीले टाइमलाइन इन्टरनेसनल स्कुललाई टाईब्रेकरमा ६-५ गोल अन्तरले पराजित गरेको हो ।

ब्राइट जोन स्कुलको फुटसल मैदानमा निर्धारित समयको खेल ३-३ गोलको बराबरीमा सकिएपछि खेल टाईब्रेकरमा गएको थियो । यस्तै पहिलो दिन पहिलो चरणका १२ खेल सकिएको छ ।

प्रतियोगिताको उद्घाटन गोकर्णेश्वर नपाका प्रमुख सल्लाहकार दिपक रिसालले गरे । प्रतियोगितामा काठमाडौं जिल्लाका ३९ वटा निजि तथा सामुदायिक बिद्यालयका ४४ टिमको सहभागिता रहेको छ ।