स्क्वास : एकलतर्फ नेपालको चुनौती समाप्त
काठमाडौं । १३ औं दक्षिण एसियाली खेलकुद (साग) अन्तर्गत शुक्रबार नेपालका खेलाडीले उत्कृष्ट प्रदर्शन गर्न सकेनन् ।
सातदोबाटोस्थित नेपाल स्क्वास र्याकेट संघको हलमा एकलतर्फ नेपालका महिला र पुरुष दुवै खेलाडीले क्वार्टरफाइनल चरण पार गर्न असफल भए ।
पुरुषमा अरहान्तकुमार सिम्हा क्वार्टरफाइनलमा पाकिस्तानका मेहबुब फरहानसँग ११–१, ११–८ र ११–८ ले स्तब्ध भएसँगै एकलतर्फ नेपालको चुनौती समाप्त भएको थियो ।
त्यसअघि पहिलो चरणमा अरहान्त बंगलादेशका मोहम्मद साहिदुललाई ११–७, ११–३ र ११–४ ले हराउँदै क्वार्टरफाइनलमा प्रवेश गरेका थिए । पुरुष एकलमा पाकिस्तानका टयब इस्लाम, भारतका अभय सिंह र हरिन्दर सिंह सेमिफाइनलमा प्रवेश गरेका छन् । अन्तिम चारमा हरिन्दररले पाकिस्तानका फरहानसँग र अभयले टयबसँग शनिबार प्रतिस्पर्धा गर्नेछन् ।
क्वार्टरफाइनलमा टयबले नेपालका अमृत थापालाई ११–३,११–१, ११–१, अभयले श्रीलंकाका रभिन्दु होलिपिटिगेलाई ११–६, १३–११ र ११–४ तथा हरिन्दरले मोहोमदेद वाकेललाई ११–२, ११–७ र ११–७ ले हराएका थिए । महिला एकलतर्पm भारतका सुनैयना कुरुभिला र तान्भि खन्ना तथा पाकिस्तानका मदिना जफर र पैmजा जफर सेमिफाइनलमा प्रवेश गरेका छन् ।
क्वार्टरफाइनलमा सुनैयनाले श्रीलंकाकी फाथुमीलाई ११–५, ११–४ र ११–५, फैजाले नेपालकी कृष्णा थापालाई ११–६, ११–४ र ११–५, मदिनाले श्रीलंकाकी मिहिलिया अराचचिगेलाई ११–३, १२–१० र ११–९ तथा तान्भिले नेपालकी विपना ब्लोनलाई ११–२, ११–३ र ११–५ ले हराइन् ।
