काठमाडौं । १३ औं दक्षिण एसियाली खेलकुद अन्तर्गत तेक्वान्दोमा नेपालकी संगीता बस्यालले स्वर्ण जितेकी छिन् ।
सातदोबाटोस्थित तेक्वान्दो हलमा गेरुगीको महिला ६२ केजी तौल समूहमुनि संगीताले स्वर्ण जितेकी हुन् ।
संगीताले भारतकी गगनजोत गिललाई १९-८ ले हराइन ।
पाकिस्तानकी जोया सबिर र श्रीलंकाकी मनिषा साम्राजीवाले कास्य जितिन् ।
पुरुष ६३ केजी मुनि श्रीलंकाका चालिन्दा सम्पाथले स्वर्ण जित्दा भारतका सौरभले रजत जिते ।
नेपालका ज्ञानेन्द्र हमाल र पाकिस्तानका मेह्मोद खानले कास्य जिते ।
पुरुषको ७४ केजी मुनि भारतले स्वर्ण, पाकिस्तानले रजत जितेको छ । नेपालका निश्चल श्रेष्ठ र श्रीलंकाले कास्य जितेको छ ।
