काठमाडौं । विजय श्रेष्ठ इन्हाउसले छैटौं संस्करणको लक्ष्मी बैंक ओपन गल्फको उपाधि जितेका छन् ।
गोकर्ण गल्फ क्लबमा शनिबार क्याप्टेन नोर्बु शेर्पालाई काउन्ट ब्याकको आधारमा पराजित गर्दै विजयले उपाधि जितेका हुन् ।
स्टेबलफोर्ड फर्म्याटमा ३/४ हेन्डिक्यापका आधारमा भएको प्रतियोगितामा दुवैले समान ३८ अंक जोडेपछि काउन्ट ब्याकमा विजयले उपाधि हात पारे ।
देभश्री राणाले ३९ अंक जोड्दै महिलातर्फको उपाधि जितिन् । मेजर जनरल महेश बिक्रम कार्कीले ६० वर्ष माथिको सिनियरतर्फको उपाधि जिते । ३४ अंक जोडेका सद्भाव आचार्यले जुनियरतर्फको उपाधि जिते । आङ देण्डी शेर्पाले गेस्टतर्फको उपाधि हात पारे ।
टासी छिरिङले ३८ ग्रस अंकसहित बेस्ट ग्रस र लङ्गेस्ट ड्राइभको उपाधि जितेका छन् । यस्तै डा. निरन्जन शर्माले क्लोजेस्ट टु दि पिनको अवार्ड जिते ।
लक्ष्मी बैंकको आयोजनामा भएको प्रतियोगितामा ९२ गल्फरहरुको सहभागिता रहेको थियो ।
