राष्ट्रिय फुटसल टिम स्वदेश फिर्ता

काठमाडौं । इरानमा सम्पन्न एएफसी फुटसल च्याम्पियनसिप छनोटमा प्रतिस्पर्धा गरेर नेपाली राष्ट्रिय फुटसल टिम स्वदेश फर्किएका छन् ।

छनोटमा खराब प्रदर्शन गरेको नेपाली टिम आइतबार साँझ नेपाल आईपुगेका हुन् । 

छनोटमा नेपाल जितविहिन बनेको थियो ।

छनोटको सेन्टर र साउथ जोनको समूह 'ए’ मा रहेको नेपाल पुछारमा रहेको थियो ।

नेपालले पहिलो खेलमा ताजिकिस्तानसँग ६–० र दोस्रो खेलमा उज्वेकिस्तानसँग ४–१ को हार व्यहोरेको थियो । यस्तै अन्तिम खेलमा नेपाल अफगानिस्तानसँग ६-२ ले पराजित भएको थियो ।

यस समूहबाट उज्वेकिस्तान र ताजिकिस्तानले फाइनल चरणमा स्थान बनाएका थिए ।