काठमाडौं । इरानमा सम्पन्न एएफसी फुटसल च्याम्पियनसिप छनोटमा प्रतिस्पर्धा गरेर नेपाली राष्ट्रिय फुटसल टिम आज (आईतबार) स्वदेश फर्कने भएका छन् ।
छनोटमा खराब प्रदर्शन गरेको नेपाली टिम साँझ ७ बजे नेपाल आईपुग्ने अखिल नेपाल फुटबल संघ (एन्फा) ले जनाएको छ ।
छनोटको सेन्टर र साउथ जोनको समूह 'ए’ मा रहेको नेपाल जितविहिन बनेको थियो । र, नेपाल समूहको पुछारमा रहेको थियो ।
नेपालले पहिलो खेलमा ताजिकिस्तानसँग ६–० र दोस्रो खेलमा उज्वेकिस्तानसँग ४–१ को हार व्यहोरेको थियो । यस्तै अन्तिम खेलमा नेपाल अफगानिस्तानसँग ६-२ ले पराजित भएको थियो ।
यस समूहबाट उज्वेकिस्तान र ताजिकिस्तानले फाइनल चरणमा स्थान बनाएका थिए ।
-1732413260.jpg)
