काठमाडौं । कीर्तिपुर पाँचौं बीएमके खुला पुरुष बास्केटबल प्रतियोगितामा शनिबार फाइनलमा प्रवेश गरेको छ ।
दोश्रो सेमिफाइनलमा कीर्तिपुरले गोल्डेनगेटलाई ७०–६२ ले पराजित गर्यो । कीर्तिपुरका सिद्धार्थ महर्जनले २२ अंक जोडे ।
पहिलो क्वाटरमा २२–१७ को अग्रता लिएको कीर्तिपुर दोश्रोमा ९–१६ ले पछि पर्यो । कीर्तिपुरले तेश्रोमा २४–१८ तथा चौथोमा १५–११ को प्रदर्शन गर्यो ।
उपाधिका लागि कीर्तिपुरले आइतबार पहिलो सेमिफाइनलको विजेता बूढानीलकण्ठ विरुद्ध प्रतिस्पर्धा गर्ने छ ।
विजेताले ४० हजार तथा उपविजेताले २० हजार नगद पुरस्कार पाउने छन् ।
