स्टार सिटीलाई उपाधि

धनगढी । निसर्ग अस्पताल टेकबहादुर चोखाल स्मृति कप फुटसलको उपाधि वडा नम्वर ५ को स्टार सिटी क्लबले जितेको छ ।

शुक्रबार भएको फाइनलमा वडा नम्वर १ को  फारवेष्ट पशुपति युवा क्लबलाई ७–५ ले हराउँदै स्टार सिटी च्लेयाम्पियन बनेको हो ।

उपाधिसंगै स्टार सिटीले नगद ३० हजार प्राप्त गरेको छ । उपविजेता फारवेष्ट पशुपतिले १५ हजार प्राप्त गरेको छ ।

प्रतियोगितामा उत्कृष्ट गोलरक्षक वडा नम्वर ५ का सुशिल पाण्डेय, उत्कृष्ट खेलाडी वडा नम्वर १ का भिष्म भाट र सर्वाधिक गोलकर्ता वडा नम्वर ५ का कमल देउवा भएका छन् । उनीहरुले एक–एक हजार प्राप्त गरे ।

प्रतियोगितामा धनगढी उपमहानगरपालिका विभिन्न वडाका १८ टीमको सहभागी रहेको थियो ।