उपाधिका लागि वडा नम्बर ५ र १ भिड्ने

धनगढी ।  निसर्ग अस्पताल टेकबहादुर चोखाल स्मृति कप फुटसलको उपाधिका लागि वडा नम्बर ५ र वडा नम्बर १ भिड्ने भएका छन् ।

बिहिबार भएको सेमिफाइनलमा वडा नम्बर ५ को स्टार सिटी क्लबले वडा नम्बर ४ 'ए' लाई ७-३ ले पराजित गर्यो । 

यस्तै वडा नम्बर १ फारवेष्ट पशुपति युवा क्लबले वडा नम्बर ७ नवोबुद्ध युवा क्लबलाई १०-१ ले पराजित गर्यो ।

प्रतियोगिताको विजेताले नगद ३० हजार र उपविजेताले १५ हजार नगद प्राप्त गर्ने आयोजकले जनाएको छ ।

त्यसैगरी उत्कृष्ट गोलरक्षक, उत्कृष्ट खेलाडी र सर्वाधिक गोलकर्ता पनि पुरस्कृत हुने छन् ।