धनगढी । निसर्ग अस्पताल टेकबहादुर चोखाल स्मृति कप फुटसलमा वडा नम्बर ५ र ६ ले विजयी सुरुवात गरेका छन् ।
बुधबार भएको पहिलो खेलमा वडा नम्बर ५ स्टार सिटीले वडा नम्बर १३ को सवुु रानाको टीमलाई ७—१ हरायो । दोस्रो खेलमा वडा नम्बर ६ नवोबुद्ध युवा क्लबले वडा नम्बर ४ लाई ६—५ ले किनारा लगाउँदा तेस्रो खेलमा वडा नम्बर ५ टुईन्स एकेडेमीलाई वडा नम्बर १२ मनकामना युवा क्लबले १२—१ को फराकिलो अन्तरले हरायो ।
चौथो खेलमा वडा नम्बर २ महालक्ष्मी विजुली भण्डारले वडा नम्बर १४ प्रे युवा क्लबलाई ७—० ले पन्छ्याउँदा पाँचौ खेलमा वडा नम्बर ८ धनगढी युवा क्लबले वडा नम्बर १ नैनादेवी युवा क्लबलाई १९—२ को फराकिलो अन्तरले पराजित गरेको छ ।
छैटौं खेलमा वडा नम्बर १ फारवेष्ट पशुपति युवा क्लबले वडा नम्बर १३ नवदुर्गा युवा क्लबलाई ७—३ ले किनारा लगाउँदा सातौं खेलमा वडा नम्बर ११ ले वडा नम्बर १६ लाई पेनाल्टीमा २—१ ले हरायो । निर्धारित समय दुबै टीमले ५—५ को बराबरी खेलेका थिए ।
आठौं खेलमा वडा नम्बर ५ फोर्स मोटर्सले वडा नम्बर ३ जेनुन क्लबलाई १३—२ ले हराउँदा अन्तिम तथा नवौं खेलमा वडा नम्बर ४ बी ले वडा नम्बर १३ लाई ८—१ ले पन्छायो ।
पूर्व मन्त्री स्वर्गीय टेकबहादुर चोखालको सम्झनामा जारी प्रतियोगितामा धनगढी उपमहानगरपालिकाका विभिन्न वडाका १८ टिमको सहभागीता रहेको छ ।
प्रतियोगिताको विजेताले नगद ३० हजार र उपविजेताले १५ हजार नगद प्राप्त गर्ने आयोजकले जनाएको छ ।
-1732413260.jpg)
