सहिद स्मारक कलेजलाई उपाधि

काठमाडौं । राप्रपा नेपालका महामन्त्री एवं पहिलाे संबिधान सभाका सदस्य चन्द्र बहादुर गुरुङकाे सम्झनामा आयोजित फुटसल प्रतियाेगिताको उपाधि सहिद स्मारक कलेजकाे 'ए' टिमले जितेको छ ।

सहिद स्मारक कलेजकाे 'ए' टिमले फाइनलमा आफ्नै कलेजको 'बी' टिमलाई ४-१ गोल अन्तरले हराएर उपाधि जितेको हो । उपाधिसँगै सहिद स्मारकको 'ए' टिमले २० हजार नगद प्राप्त गरेको छ । उपविजेता 'बी' टिमले १५ हजार प्राप्त गर्यो ।

यस्तै कलेज अफ वायाेमेडिकल साइन्सेसले नाइटिङ्गेल कलेजलाई ३-० गाेलले पराजित गर्दै तेस्राे स्थान सुरक्षित गरेकाे संगठनका उपाध्यक्ष शशि भण्डारीले जानकारी दिए ।

विजयी खेलाडीहरुलाई राप्रपाका वरिष्ठ उपाध्यक्ष एवं पुर्व गृहमन्त्री बुद्धीमान तामाङ, राप्रपाका सह-महामन्त्री चन्द्रबहादुर गुरुङ र प्रदेश नम्बर ३ कि सांसद रिता माझीले पुरस्कृत गरे ।

स्व. गुरुङ अखिल नेपाल फुटबल संघकाे पूर्व अध्यक्ष, राष्ट्रिय खेलकुद परिषद्काे सदस्य, एशियाली युथ काउन्सिलकाे उपाध्यक्ष लगायत विभिन्न खेलकुद तथा सामाजिक संस्थामा संलग्न रहेका थिए ।