काठमाडौं । लिटिल एन्जल्स (एलए) स्कुलले मणी बिक्रम शाह स्मृति अन्तर बिद्यालय फुटसल प्रतियोगिताको उपाधि जितेको छ ।
आइतबार भएको फाइनलमा माउण्टग्लोरी स्कुललाई ४–२ गोल अन्तरले हराँउदै एलए बनेको हो । एलएको जितमा सिद्धान्त ढाकुरले २ गोल गर्दा मुनाल थापा र विकास पुनले एक–एक गोल थपेका थिए ।
उपबिजेतामा चित्त बुझाएको माउण्टग्लोरीका एलेक्स पौडेल र संजय लामाले समान एक–एक गोल फर्काएका थिए । उपाधि विजेता टिमले २५ हजार र उपबिजेता टिमले १५ हजार नगद प्राप्त गरेका छन् ।
प्रतियोगिताको सर्वोकृष्ट खेलाडीको उपाधि एलएका बिसम पुनले हात पार्दा उत्कृष्ट गोलकिपरमा एलएका आकाश राई चुनिए । त्यस्तै प्रतियोगिता अवधिभर ४ खेलबाट ९ गोल गरेका एलएका सिद्धान्त ढकुरले हाईस्कोर कर्ताको उपाधि जिते ।
विजेता टिम तथा खेलाडीलाई प्रमुख अतिथि राष्ट्रिय खेलकुद परिषद्का सदस्य सचिव रमेशकुमार सिलवाल, प्रिन्सिपल मुकुन्द शर्मा,स्वर्गिय शाहकी धर्मपत्नि नविना शाहलगायतले पुरस्कृत गरेका थिए ।
