काठमाडौं । न्यु मिलेनियम कलेजले पाँचौ संस्करणको स्काइ बर्ड प्याराग्लाइडिङ इन्टर कलेज फुटसलको उपाधि जितेको छ ।
धन्यन्तरी फुटसल हाँडीगाँउमा शुक्रबार भएको फाइनलमा एपेक्स कलेजलाई पराजित गर्दै मिलेनियमले उपाधि जितेको हो ।
उपाधिसँगै मिलेनियमले १ लाख पचास हजार बराबरको टुर प्याकेज प्राप्त गरेको छ । जसमा स्काइ बर्ड प्याराग्लाइडिङको तर्फबाट पाराग्लाइडिङ सहित काठमाडौं पोखराको दुईतर्फी यातायात र खाने बस्ने सुबिधा रहेको छ ।
उपविजेता एपेक्सले धुलिखेल जिपलाइनको तर्फबाट पचास हजार बराबरको टुर प्याकेज प्राप्त गरेको छ ।
उत्कृष्ट गोलरक्षक बनेका नबोदित कलेजका निशान राम्जाली र उत्कृष्ट खेलाडी न्यु मिलेनियम कलेजका कर्फु रसाइलिले द लास्ट रिसोर्टको तर्फबाट बन्जी सहित दुई तर्फी यातायात र खाने बस्ने प्याकेज प्राप्त गरेका छन् ।
प्ले नेपालको आयोजनामा भएको प्रतियोगितामा काठमाडौंका ३२ कलेजहरूको सहभागिता रहेको थियो ।
