लिटल एन्जल्स च्याम्पियन

काठमाडौं । लिटल एन्जल्स स्कुलले पाँचौ सुशील केडिया मेमोरियल अन्तर स्कुल फुटसल प्रतियोगिताको उपाधि जितेको छ ।

डीएभी स्कुल मैदानमा सम्पन्न प्रतियोगिताको बिहिबार सम्पन्न फाइनलमा लिटल एन्जल्सले नेपाल पुलिस स्कुललाई २-१ गोल अन्तरले पराजित गर्यो ।

लिटल एन्जल्सको लागि सुशान्त गुरुङ र मुनाल थापाले १-१ गोल गरे ।  नेपाल पुलिस स्कुलका समिर बमले १ गोल फर्काए ।

३ दिन सम्म चलेको प्रतियोगितामा उपत्यकाका १७ टोलिको सहभागिता रहेको थियो।

प्रतियोगितामा पाँच गोल गरेका अक्सिडेन्टल पब्लिक स्कुलका संकेत पराजुली सर्वाधिक गोलकर्ता चुनिए । उत्कृष्ट गोलकिपर लिटल एन्जल्सका आयुष आनन्द र इमर्जिङ प्लेयर पुलिस स्कुलका समिर बम घोषित भए ।

एडीफाई इन्टरनेसनल स्कुलले फेयर प्ले अवार्ड पायो ।