सिद्धार्थ बैंक दोस्रो चरणमा

धनगढी । सिद्धार्थ बैंक धनगढी फुटसल लिगको दोस्रो चरणमा प्रवेश गरेको छ ।

बिहिबार भएको खेलमा कुमारी बैंकलाई ७-३ गोल अन्तरले पराजित गर्दै सिद्धार्थले दोस्रो चरणमा स्थान बनाएको हो ।

समूह 'डी' मा रहेको सिद्धार्थका लागि  आशिष थापाले ह्याट्रिक सहित ४ गोल गरे ।  यज्ञ गड्सिलाले २ र धर्म ओझाले १ गोल गरे । कुमारीका पुष्कर विष्ट २ र किशोर भट्टले १ गोल गरे ।

यसअघि सिद्धार्थले जनता बैंकलाई ४-२ गोल अन्तरले हराएको थियो । पहिलो खेलमा सिद्धार्थ सनराईज बैंकसँग २-० ले पराजित भएको थियो ।

सनराईजले खेलेका दुई खेलमा जित हात पारेको छ । अब यो समूह कुमारीले दुई खेल खेल्न बाँकी रहेको छ भने सनराईज र जनताले एक एक खेल खेल्न बाँकि रहेको छ ।

प्रतियोगिता अन्तर्गत नै बिहिबार सेन्चुरी बैंकले नविल बैंकलाई ५-१ ले पराजित गरेको छ । सेन्चुरीको जितमा क्षितिज सिंहले ह्याट्रिक गरे भने तपराज जोशीले २ गोल गरे । नविलका लागि विवेक विष्टले १ गोल फर्काए ।

फ्ल्याण्डल्याण्ड फुटसलको आयोजना र नेपाल खेलकुद पत्रकार मञ्च कैलालीको सह आयोजनामा जारी लिगको विजेताले नगद ५० हजार र उपविजेताले २५ हजार पाउने छन् ।