बुद्ध एयर र चौधरी ग्रुप क्वाटरफाइनलमा

काठमाडौं । बुद्ध एयर र चौधरी चौंथो संस्करणको एब्सुलेट कर्पोरेट फुटसलको क्वाटरफाइनलमा प्रवेश गरेका छन् ।

एब्सुलेट इभेन्ट्स प्रालिको आयोजनामा जारी प्रतियोगितामा समूह 'ए' को विजेता बन्दै बुद्ध क्वाटरफाइनलमा पुगेको हो ।

अब बुद्धले क्वाटरफाइनलमा गोर्खा ब्रुअरीको सामना गर्नेछ । गोर्खा समूह 'बी' को उपविजेता बन्दै क्वाटरफाइनलमा पुगेको हो ।

यस्तै चौधरी ग्रुपले समूह 'डी' विजेता बन्दै क्वाटरफाइनलमा स्थान बनाएको हो । चौधरी ग्रुपले क्वाटरफाइनलमा समूह 'सी' को उपविजेता हिमालयन एयर्लाइन्ससँग खेल्नेछ ।

त्यस्तै क्वाटरफाइनलमा समूह 'बी' को विजेता हुवाएले समूह 'ए' उपविजेता अन्नपूर्ण होटलसँग खेल्नेछ ।

अर्को क्वाटरफाइनलमा समूह 'सी' को विजेता जनता बैंकले समूह 'डी' को उपविजेता एनसेल ह्वाइटसँग खेल्नेछ ।

प्रतियोगिताको क्वाटरफाइनल, सेमिफाइनल र फाइनल खेल आगामी शनिबार फिल्ड फुटसल सानेपामा हुनेछ ।