सनराईज र सिभिल बैंकको विजयी सुरुवात 

धनगढी । सनराईज बैंक र सिभिल बैंकले नेपाल आईस धनगढी फुटसल लिगमा विजयी सुरुवात गरेका छन् ।

फ्ल्याटल्याण्ड फुटसलमा शुक्रबार भएको उद्घाटन खेलमा सनराईजले सिद्धार्थ बैंकलाई २-० ले हरायो । सनराईजका लागि लक्ष्मी जोशीले दुई गोल गरे ।

यस्तै सिभिलले माछापुच्छे बैंकलाई २-० ले पराजित गर्यो । सिभिलका लागि तिलक बोहराले २ गोल गरे ।

त्यस्तै कैलाश बैंकले एनएमवी बैंकलाई ९-२ को फराकिलोे अन्तरले हराएको छ । कैलाशका लागि रमेश बोहराले ह्याट्रिकसहित ४ गोल गरे भने महेश चौधरीले पनि ह्याट्रिक गरे । निशान थापा र चन्द्र साउँदले एक एक गोल थपे । एनएमवीका लागि अमन जोशी र महेश चन्दले एक एक गोल फर्काए ।

अर्को नवजीवन कोअपरेटिभले बैंक अफ काठमाण्डौंलाई ७-३ ले पराजित गर्यो । नवजीवनका लागि निर्मल बमले ह्याट्रिकसहित ४ गोल गरे । यस्तै जीत थापाले ह्याट्रिक गरे । बैंक अफ काठमाण्डौंका लागि महेश जोशी, विनोद सिंह र  दिपेन्द्र ऐरले एक एक गोल फर्काए ।

फ्ल्याटल्याण्ड फुटसलको आयोजना र नेपाल खेलकुद पत्रकार मञ्च कैलालीको सह आयोजनामा सुरु प्रतियोगितामा धनगढीका १६ वटा बैंक तथा वित्तिय संस्थाहरुको सहभागीता रहेको छ ।

प्रतियोगिताको विजेताले नगद ५० हजार तथा उपविजेताले २५ हजार पाउने छन् ।