गोल्डेनपिक र एन्जल्स हर्टको जित

काठमाडौं । गोल्डेनपिक र एन्जल्स हर्टले चौधौं क्विक्स चिजबल ग्रिनल्यान्ड अन्तरविद्यालय बास्केटबल प्रतियोगिताको सिनियर ब्वाइजमा शुक्रबार जित हात पारेका छन् ।

गोल्डेनपिकले डिआर मेमोरियललाई ४४–३४ ले पराजित गर्यो । गोल्डेनपिकका गोपाल भण्डारीले ११ अंक जोडे । एन्जल्स हर्टले नवोदितलाई ४९–३४ ले नै हरायो । एन्जल्स हर्टका प्रतीक गोलेले १८ अंक बटुले ।

सिनियर ब्वाइजमै भ्याली पब्लिकले द चाँदबागलाई ३१–२४ तथा टीआईएले हिमालयलाई ३५–२५ ले पाखा लगाए । भ्याली पब्लिकका सुमार्ग गुरुङ र साजन गुरुङले ११–११ तथा टीआईएका निकेश कार्कीले १७ स्कोर गरे ।

जुनियर ब्वाइजमा इबीएले डिआर मेमोरियललाई २६–१८, गोल्डेनपिकले प्राण्जलीलाई २६–१९, सेबले ज्ञानकुञ्जलाई २९–१९ र बीएनएले आयोजक ग्रिनल्यान्डलाई २०–१६ ले निराश पारे । इबीएका सुनिल मल्लले १४, गोल्डेनपिकका सुविन तामाङले १२ र बीएनएका सन्देश खड्काले १४ स्कोर गरे ।

सिनियर गल्र्समा भ्याली पब्लिकले हिमालयलाई ३२–१६ ले पन्छायो । भ्याली पब्लिककी पुर्णिमा परियार तथा सुमिना तामाङले समान ७–७ अंक जोडे ।