वियंकालाई स्वर्ण

काठमाडौं। महेन्द्ररत्न क्याम्पसकी वियंका राई १३औं पूर्णमान बज्राचार्य खुला टेबलटेनिस प्रतियोगिताअन्तर्गत कलेजतर्फ महिला सिंगल्समा पहिलो भएकी छन्। सोही क्याम्पसकी आश्मा पहरी दोस्रो तथा एसियनकी अर्पिता महर्जन र जेभियरकी यानु शिरीष तेस्रो भए।

यु–१४ बोइज सिंगल्समा डिएभीका रिभानमुनि बज्राचार्य पहिलो, एभीएमका स्वर्णिम शाक्य दोस्रो तथा प्रोक्सिमाका नयन ललुवा र प्रिमियरका विशाल बस्नेत तेस्रो बने।

सोही स्पर्धाको गर्ल्समा एभीएमकी श्रृया शाक्यले स्वर्ण, एभीएमकै तयाबुङमा राईले रजत तथा आरम्भ संस्कारकी प्राज्ना महर्जन र आरम्भकै यमिला श्रेष्ठले कांस्य जिते।

यु–१६ बोइजमा सिंगल्समा भासराका रिजन शाक्य प्रथम, एभरेस्टका आर्यन शाही द्वितीय तथा आरम्भका निश्चल थापा र प्राइमका सुगम पौडेल तृतीय भए।

भेट्रान ५० वर्षमाथि पुरुष सिंगल्समा खोल्चा पुखुका नदिमरत्न शाक्य पहिलो, आईटीटीएका राजेश भट्टराई दोस्रो तथा सीवाइसीटीटीका किरण व्यञ्जनकार र कीर्तिपुरका जयराम महर्जन तेस्रो भए।

कलेजको महिला टिम इभेन्टमा महेन्द्र रत्न पहिलो, एभीएम दोस्रो तथा प्रिमियर र विश्व आदर्श तेस्रो स्थानमा रहे।

स्कुलको बोइज टिममा आरम्भ पहिलो, प्राइम दोस्रो तथा एभीएम र सृष्टि एकेडेमी तेस्रो बने। उक्त स्पर्धाको गर्ल्समा एभीएम पहिलो, आरम्भ दोस्रो तथा ह्वाइटफिल्ड र सिर्जना ज्ञान सागर तेस्रो भए।