धनगढी । आयोजक र्यामपेज फुटसल क्लबले पहिलो संस्करणको स्वास्थ्यकर्मी फुटसल प्रतियोगिताको उपाधि जितेको छ ।
शुक्रबार भएको फाइनलमा निसर्ग अस्पताललाई ५-४ गोल अन्तरले पराजित गर्दै र्यामपेज च्याम्पियन बनेको हो । निर्धारित समयसम्म ४-४ को बराबरी भएपछि थप गरिएको समयमा एक गोल गर्दै आयोजक च्याम्पियन बनेको हो ।
र्यामपेजका लागि हरि सिंह धामी, आलोश भट्ट, रहिश सिंह ठकुरी, उदय देवकोटा र विकास लम्सालले एक एक गोल गरे । निसर्गका लागि रमेश शाही र सुरेन्द्र भट्टले एक एक गोल फर्काए ।
उपाधिसँगै र्यामपेजले नगद १० हजार प्राप्त गरेको छ । उपविजेताले निसर्गले ५ हजारमा चित्त बुझायो ।
प्रतियोगितामा र्यामपेजका विकास लम्साल उत्कृष्ट खेलाडी घोषित भए । उत्कृष्ट गोलरक्षक निसर्गका विनय चोख्याल र सर्वाधिक गोलकर्ता माया मेटोका जगत महतो भए ।
