धनगढी । पहिलो संस्करणको स्वास्थ्यकर्मी फुटसल प्रतियोगिताको उपाधिका लागि र्यामपेज फुटसल क्लब र निसर्ग अस्पताल भिड्ने भएका छन् ।
बिहिबार भएको पहिलो सेमिफाइनलमा गेटा आँखा अस्पताललाई ८-४ गोल अन्तरले पराजित गर्दै र्यामपेजले फाइनलमा स्थान बनाएको हो ।
र्यामपेजको जितमा हरि धामीले ५ गोल गरे । त्यस्तै डाक्टर आलोक भट्ट र विकास लम्सालले १/१ गोल गरे । गेटाका लागि लोक पुनले ३ गोल तथा डाक्टर अनिश मानन्धरले १ गोल फर्काए ।
यस्तै दोस्रो सेमिफाइनलमा निसर्गले माया मेट्रो अस्पतालाई ६-१ गोल अन्तरले पराजित गर्यो । निसर्गका लागि डाक्टर सुरेन्द्र भट्टले ४ गोल गरे । रमेश शाही र अमित चौधरीले १/१ गोल गरे । माया मेट्रोका लागि जगत महतोले एक गोल फर्काए ।
प्रतियोगिताको विजेताले नगद १० हजार तथा उपविजेताले नगद ५ हजार सहित ट्रफी मेडल र प्रमाण पाउने आयोजकले जनाएको छ ।
