काठमाडौं । आयोजक बौद्ध इन्टरनेसनल स्कुल र टीआईए चौथो बीआईबी अन्तरविद्यालय बास्केटबल प्रतियोगिताको सिनियर ब्वाइजमा बुधबार फाइनलमा प्रवेश गरेका छन् ।
बौद्धले रुपिजलाई ७३–५५ ले पराजित गर्यो । बौद्धका अर्जुन क्षेत्रीले उत्कृष्ट प्रदर्शन गर्दै ४० अंक जोडे । टीआईएले डिफेन्डिङ च्याम्पियन डाफोडिललाई ६९–५५ ले हरायो । टीआईएका सम्राट गुरुङले २६ स्कोर गरे ।
सिनियर गल्र्समा रुपिज र द चाँदबागले उपाधि भिडन्त पक्का गरे । रुपिजले डाफोडिललाई ४९–४४ ले पाखा लगायो ।
रुपिजकी साइसा प्रधानले २० अंक जोडिन् । न्यु बुद्ध प्रकाश विरुद्धको खेलमा चाँदबाग ४१–२० ले विजयी भयो । चाँदबागकी सुर्मा थेबेले १७ स्कोर गरिन् । फाइनल बिहीबार हुनेछ ।
