गेटा र माया अस्पताल सेमिफाइनलमा

धनगढी ।  गेटा आँखा अस्पताल र माया मेट्रो अस्पतालले पहिलो संस्करणको स्वास्थ्यकर्मी फुटसल प्रतियोगिताको सेमिफाइनलमा स्थान बनाएका छन् ।

र्यामपेज फुटसल क्लबको आयोजनामा भईरहेको प्रतियोगिताको दोस्रो दिनको पहिलो खेलमा गेटा आँखा अस्पताल विजयी भयो ।

धनगढीको फ्ल्याटल्याण्ड फुटसलमा बुधबार गेटाले सिटी पोलि क्लिनिकलाई ६–५ ले हरायो । गेटाको जितमा सुनिल थापाले ५ गोल गरे श्याम देउवाले १ गोल गरे  ।

सिटीका लागि पियुस चौधरी, ईश्वर पोखरेल, सन्तोष चौधरी, मदन जिसी र राजेश चौधरीले १/१ गोल गरे । अब गेटाले सेमिफाईनलमा आयोजक र्यामपेज फुटसल क्लबसँग प्रतिस्पर्धा गर्नेछ ।

दोस्रो खेलमा माया मेट्रो अस्पतालले नोभा अस्पताललाई १२–२ को फराकिलो अन्तरले पराजित गर्दै सेमिफाइनलमा स्थान बनाउन सफल भयो । माया मेट्रोको जितमा जगत महतोले दोहोरो ह्याट्रिक सहित एक्लैले ८ गोल गरे । त्यसैगरी डाक्टर डिआर कँडेलले २ डाक्टर सुसिल ढकालले १ गोल गर्दा १ गोल आत्मघाती भएको थियो ।

नोभा अस्पतालका लागि बलसिंह रानाले २ गोल फर्काए । अब सेमिफाइनलमा मायाले निसर्ग अस्पतालसँग खेल्नेछ ।

प्रतियोगिताको विजेताले १० हजार तथा उपविजेताले नगद ५ हजार पाउने आयोजकले जनाएको छ ।