आयोजक बौद्ध सेमिफाइनलमा

काठमाडौं ।  आयोजक बौद्ध इन्टरनेसनल स्कुल चौथो बीआईबी अन्तरविद्यालय बास्केटबल प्रतियोगिताको सिनियर गल्र्समा मंगलबार सेमिफाइनलमा प्रवेश गरेको छ ।

अत्तरखेलस्थित घरेलु कोर्टमा बौद्धले बुद्ध एकेडेमीलाई २१–१६ ले पराजित गर्यो । विजयी टिमका लागि सराह महर्जनले ८ अंक जोडिन् ।
सिनियर ब्वाइजमा रुपिज, टीआईए, डाफोडिल र आयोजक बौद्ध इन्टरनेसनल स्कुलले पनि सेमिफाइनलमा स्थान सुरक्षित गरे ।
रुपिजले न्यु बुद्ध प्रकाशलाई ५५–३६ ले हरायो । रुपिजका देवाशिश शाहले १९ स्कोर गरे । टीआईएले ज्ञानदीपलाई ७८–२५ ले पाखा लगायो । टीआईएका सम्राट गुरुङले २० अंक जोडे । डाफोडिलले बुद्ध एकेडेमीलाई ८२–६४ ले पन्छायो ।

डाफोडिलका प्रिन्स गुरुङले ३३ अंक बटुले । बौद्धले अर्बिटमाथि ४५–२९ को जित दर्ता गर्यो । बौद्धका तेन्जिङ ग्यात्छोले १२ अंक जोडे ।