धनगढी । सुदुरपश्चिम प्रदेशकै सर्वाधिक धनराशीको फुटसल प्रतियोगिता 'नेपाल आईस धनगढी फुटसल लिग' आयोजना हुने भएको छ ।
फ्ल्याटल्याण्ड फुटसल रिक्रिएसनको आयोजना र नेपाल खेलकुद पत्रकार मञ्च कैलालीको सह आयोजनामा धनगढीमा फुटसल लिग हुने भएको हो ।
सुदुरपश्चिमको महान पर्व गौराको अवसर पारेर बैंक तथा वित्तिय संस्थाहरुको टिमबीच लिग हुने आयोजकले जनाएको छ ।धनगढीमा रहेका बैंक तथा वित्तिय संस्थाहरुले प्रतिस्पर्धा गर्ने लिग गौरा पर्वको दिन भदौ ६ गतेबाट सुरु हुनेछ ।
सार्वजनिक विदाका दिन मात्र खेलाईने लिगको विजेताले ५० हजारसहित ट्रफी मेडल र प्रमाण पत्र पाउने छन् । उपविजेताले नगद २५ हजार सहित ट्रफी मेडल र प्रमाण पत्र पाउनेछ ।
त्यसैगरी विभिन्न विधाका उत्कृष्टहरुले पनि नगद पुरस्कार सहित ट्रफी मेडल र प्रमाण पत्र पाउनेछन् ।
