बुढानिलकण्ठद्वारा साउथ साइडर्स पराजित

काठमाडौं । बुढानिलकण्ठ नगरपालिका बास्केटबल क्लबले क्विक्स नेपाल बास्केटबल लिगमा पाँचौ जित दर्ता गरेको छ ।

 

बिहिबार भएको खेलमा साउथ साइडर्स क्लबलाई ८५-५९ स्कोरले पराजित गर्दै बुढानिलकण्ठले पाँचौ जित निकालेको हो । 

 

बुढानिलकण्ठको जितमा विराज रानाले उत्कृष्ट प्रदर्शन गरे । प्लेयर अफ दि म्याच बनेका उनले १४ स्कोर गरे ।

जितसंगै बुढानिलकण्ठले ११ खेलबाट १६ अंक जोडेको छ ।  साउथ साइडर्सको ११ अंक रहेको छ ।

 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन्  ।

 

यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।