काठमाडौं । गोल्डेनगेट इन्टरनेसनल क्लबले क्विक्स नेपाल बास्केटबल लिगमा चौंथो जित दर्ता गरेको छ ।
शुक्रबार भएको खेलमा गोल्डेनगेटले रोयल बास्केटबल क्लबलाई १०३-८३ स्कोरले पराजित गरेको हो ।
गोल्डेनगेटको जितमा विनोद श्रेष्ठले उत्कृष्ट प्रदर्शन गरे । प्लेयर अफ दि म्याच बनेका उनले २३ स्कोर जोडे ।
जितसंगै गोल्डेनगेटले ७ खेलबाट ११ अंक जोडेको छ । रोयलको यो चौंथो हार हो । रोयलको ८ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
