धनगढी । नेपाल आईस मिडिया कप फुटसल प्रतियोगिताको सम्पूर्ण तयारी पुरा भएको छ।
आयोजक नेपाल खेलकुद पत्रकार मञ्च जिल्ला समन्वय शाखा कैलालीले शुक्रबार पत्रकार सम्मेलन गर्दै शनिबार सुरु हुने प्रतियोगिताको तयारी पुरा भएको जनाएको छ ।
प्रतियोगितामा ९ टिमको सहभागिता रहने र २ समुहमा विभाजन गरि लिग चरणका आधारमा खेल खेलाईने जिल्ला समन्वय शाखा कैलालीका अध्यक्ष सीताराम ओझाले जानकारी दिए ।
प्रतियोगिताको उद्घाटनमा पश्चिम टुडे र एसटीएस टेलिभिजनबीच प्रतिस्पर्धा हुनेछन् । यस्तै दोश्रो खेल दिनेश एफएम र धनगढी एफएमबीच खेल हुनेछ ।
फ्ल्याटल्याण्ड फुटसलमा आयोजना हुने तेस्रो खेलमा डेलीपार्टी अनलाईन र डेलीमेल एफएम तथा चौथो खेल बाबा टिभी र सुदूर सन्देशबीच हुने आयोजकले जनाएको छ ।
प्रतियोगिताको विजेताले नगद १५ हजार सहित ट्रफी र प्रमाणपत्र तथा उपविजेताले नगद ७ हजार सहित नगद ट्रफी र प्रमाण पत्र पाउनेछन्।
त्यसैगरी उत्कृष्ट गोलरक्षक र सर्वाधिक गोलकर्ताले पनि नगद पुरस्कार पाउने आयोजक नेपाल खेलकुद पत्रकार मञ्च जिल्ला समन्वय शाखा कैलालीले जनाएको छ।
