काठमाडौं । बुढानिलकण्ठ नगरपालिका बास्केटबल क्लबले क्विक्स नेपाल बास्केटबल लिगमा जित दर्ता गरेको छ ।
शुक्रबार भएको खेलमा बुढानिलकण्ठले किर्तिपुर बास्केटबल क्लबलाई ९०-७४ स्कोरले पराजित गरेको हो । योसंगै बुढानिलकण्ठले लिगमा तेस्रो जित निकालेको छ ।
बुढानिलकण्ठको जितमा शौरभ श्रेष्ठले उत्कृष्ट प्रदर्शन गरे । प्लेयर अफ दि म्याच बनेका शौरभले ५० स्कोर जोडे ।
जितसंगै बुढानिलकण्ठले ८ खेलबाट ११ अंक जोडेको छ । किर्तिपुरको यो छैटौं हार हो । किर्तिपुरको ८ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
