काठमाडौं । ज्ञान निकेतनले तेश्रो यु–१६ राष्ट्रिय पुरुष बास्केटबल प्रतियोगितामा बिहीबार विजयी सुरुआत गरेको छ ।
नयाँ बजारस्थित प्राइम कलेजको कोर्टमा भएको खेलमा ज्ञान निकेतनले विद्यासागरलाई ५१–४३ ले पराजित गर्यो । विजयी टिमका लागि सम्राट भूमिले ३३ अंक जोडे ।
नेपाल बास्केटबल संघद्वारा आयोजित प्रतियोगिताको अर्को खेलमा ग्रेट मायाले रेडिअन्टलाई ४९–३० ले हरायो । ग्रेट मायाका कर्मा शेर्पाले १७ स्कोर गरे ।
प्रतियोगिताको प्राइम कलेजका प्रिन्सिपल प्रा.डा. कृष्णकुमार श्रेष्ठले एक कार्यक्रमबीच उद्घाटन गरे । लिग कम नकआउट आधारमा जेठ १० गतेसम्म चल्ने प्रतियोगितामा १६ टिम सहभागी छन् ।
