काठमाडौं । त्रिभुवन आर्मी क्लबले क्विक्स नेपाल बास्केटबल लिगमा सातौं जित दर्ता गरेको छ ।
लिग अन्तर्गत बिहिबार भएको खेलमा बुढानिलकण्ठ नगरपालिका बास्केटबल क्लबलाई ७९-६४ स्कोरले पराजित गर्दै आर्मीले सातौं जित निकालेको हो ।
आर्मीको जितमा आशिस बस्नेतलेले उत्कृष्ट प्रदर्शन गरे । प्लेयर अफ दि म्याच बनेका आशिसले २३ स्कोर जोडे ।
जितसंगै आर्मीले ८ खेलबाट १५ अंक जोडेको छ ।
बुढानिलकण्ठको यो पाँचौं हार हो । बुढानिलकण्ठको ९ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
