काठमाडौं । टाइम्स बास्केटबल क्लबले क्विक्स नेपाल बास्केटबल लिगमा सातौं जित दर्ता गरेको छ ।
लिग अन्तर्गत मंगलबार भएको खेलमा साउथ साइडर्स बास्केटबल क्लबलाई ७७-६५ स्कोरले पराजित गर्दै टाइम्सले सातौं जित निकालेको हो ।
टाइम्सको जितमा मबिन्द्र भण्डारीले १८ स्कोर गरे । प्लेयर अफ दि म्याच मबिन्द्र नै चुनिए ।
जितसंगै टाइम्सले ७ खेलबाट १४ अंक जोडेको छ । साउथको ८ अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
