काठमाडौं । नेपाल पुलिस क्लबले क्विक्स नेपाल बास्केटबल लिगमा तेस्रो जित दर्ता गरेको छ ।
लिग अन्तर्गत मंगलबार भएको खेलमा रोयल बास्केटबल क्लबलाई १०९-६८ स्कोरले पराजित गर्दै पुलिसले तेस्रो जित निकालेको हो ।
पुलिसको जितमा जितमा सन्जु सोजिबले २१ स्कोर गरे । प्लेयर अफ दि म्याच सोजिब नै चुनिए ।
जितसंगै पुलिसले ६ खेलबाट ९ अंक जोडेको छ । रोयलको ७ अंक छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
