काठमाडौं । गोल्डेन गेट इन्टरनेसनल क्लबले क्विक्स नेपाल बास्केटबल लिगमा तेस्रो जित दर्ता गरेको छ ।
लिग अन्तर्गत सोमबार भएको खेलमा बुढानिलकण्ठ नगरपालिका बास्केटबल क्लबलाई ९९-७९ स्कोरले पराजित गर्दै गोल्डेनगेटले तेस्रो जित निकालेको हो ।
गोल्डेनगेटको जितमा योगेश कडेरियाले ३७ स्कोर गरे । प्लेयर अफ दि म्याच योगेश नै चुनिए ।
जितसंगै गोल्डेनगेटले ६ खेलबाट ९ अंक जोडेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगको विजेताले २ लाख पुरस्कार पाउने छन् ।
यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
