काठमाडौं । सफ्ट नेप र भोग एड क्वार्टरफाइनल प्रवेश गरेसंगै ‘नेपाल आईस आन फुटसल टुर्नामेन्ट’को समूह चरणका खेल सकिएका छन् । नेपाल विज्ञापन संघ आनको आयोजनामा सञ्चालन भएको प्रतियोगितामा अब नकआउट चरणका खेल सुरु हुनेछन् ।
समूह चरण अन्तर्गत बिहिबार समूह ए र बीका खेल भए । समूह एबाट सफ्ट नेप र सर्वोत्तम सिमेट प्रि क्र्वाटरफाइनलमा प्रवेश गरेका छन् । सफ्ट नेपले सर्वोत्तम सिमेन्टलाई ३–१ र सगरमाथा टिभीमाथि ९–१ गोलको जित दर्ता गरेको थियो ।
अन्तिम खेलमा हिच हाइकरमाथि ५–१ को जित दर्ता गर्दै सफ्ट नेप समूह विजेता बनेको हो ।
पहिलो खेलमा सफ्ट नेपसँग ३–१ ले हारेको सर्वोत्तम सिमेन्टले दोस्रो खेलमा हिच हाइकरमाथि ३–१ गोलको जित दर्ता गर्यो । अन्तिम खेलमा सगरमाथा टिभीलाई ५–० गोल अन्तरले हराउँदै समुह उपविजेताको रुपमा अन्तिम ८ मा प्रवेश गर्यो ।
समूह बीबाट भोग एड एण्ड इभेन्ट र बराह ज्वेलयर्सले अन्तिम १६ मा पुगे ।
भोग एडले आउटरिचलाई ३–२, म्याक्स मिडियालाई ९–० र बराह ज्वलेर्सलाई ५–४ को गोल अन्तरले हरायो । यसैगरी उप विजेता बनेको बराहले म्याक्स मिडियालाई ४–१ र आउटरिचलाई ३–० गोल अन्तरले हरायो ।
लगातार दुई खेल जितेर उपविजेता बनेको बराह तेस्रो खेलमा भोग एडसँग ५–४ गोल अन्तरले पराजित भयो । शुक्रबार हुने प्रि क्वार्टरफाइनलमा कान्तिपुर र एड रिलज तथा मिडिया हब र क्यूएफएक्स भिड्ने छन् ।
यस्तै, माछापुच्छ्रे बैंक र मिडिया बास्केट तथा पिक्स इञ्जिनियरिङ सोलुसन र न्युज २४ टिभी आमने सामने हुने छन् । त्यस्तै, शीलापत्र डटकमले मुक्तिनाथ विकास बैंक र वेलकम मिडियाले जनता टिभीसंग खेल्नेछ ।
अन्तिम प्रि क्वार्टरफाइनलमा सफ्ट नेप र बराह ज्वेलर्स तथा भोग एड इभेन्ट र सर्वोत्तम सिमेन्ट आमने सामने हुनेछन् । प्रतियोगिताको विजेताले १ लाख उप विजेताले ७५ हजार रुपैयाँ पुरस्कार पाउनेछन् ।
