शंकरदेव च्याम्पियन

काठमाडौं । शंकरदेव क्याम्पसले खुला राष्ट्रिय पुरुष बास्केटबल प्रतियोगिताका उपाधि जितेको छ ।

बिहिबार भएको फाइनलमा जेभियर कलेजलाई ६३–५७ स्कोरले पराजित शंकरदेवले उपाधि जितेको हो । शंकरदेवले पहिलो र तेश्रो क्वाटरमा लिएको अग्रतानै जितको आधार बन्यो । पहिलो क्वाटरमा १८–१० को अग्रता लिएकोशंकरदेव दोश्रोमा क्वाटरमा १२–१६ ले पछि परेको थियो ।

शंकरदेवले तेश्रो क्वाटरलाई पूनः १४–१० ले आफ्नो पक्षमा लिन सफल भयो । अन्तिम क्वाटरमा प्रवेश गर्दा ८ अंकको अग्रता लिएको शंकरदेब १९–२१ ले पछि परे पनि समग्रमा ६३–५७ को  जित निकाल्यो ।

शंकरदेवका लागि उत्कृष्ट खेलाडी चुनिएका रामकृष्ण घोतामेले २० स्कोरको योगदान दिए ।

मदन भण्डारी स्पोर्टस् एकेडेमीको आयोजना भएको प्रतियोगिताको विजेता शंकरदेवले १ लाख ११ हजार र उपबिजेता जेभियरले ५५ हजार ५ सय प्राप्त गर्यो ।

बिजेतालाई मदन भण्डारी स्पोर्टस् एकेडेमीका अध्यक्ष बिनोद श्रेष्ठ,नेपाल बास्केटबल संघका महासचिव नरेन्द्र थापा,मेगाबैंकका अध्यक्ष भोजवहादुर शाह,अनेरास्वबियुकी केन्द्रिय उपाध्यक्ष सुनिता बराल,महासचिव ऐन महरलगायतले खेलाडीलाई पुरस्कृत गरेका थिए ।