काठमाडौं । साउथ साईडर्स क्लबले क्विक्स नेपाल बास्केटबल लिगमा पहिलो जित दर्ता गरेको छ ।
लिग अन्तर्गत बिहिबार भएको खेलमा साईडर्सले कीर्तिपुर बास्केटबल क्लबलाई ६६-५९ स्कोरले पराजित गर्यो ।
साईडर्सको जितमा संजय पुनले १८ अंकको योगदान दिए । प्लेयर अफ दि म्याच संजय नै चुनिए ।
जितसंगै साईडर्सले ३ खेलबाट ४ अंक जोडेको छ । कीर्तिपुरको पनि ४ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ८ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
