काठमाडौं । त्रिभुवन आर्मी क्लबले क्विक्स नेपाल बास्केटबल लिगमा लगातार तेस्रो जित दर्ता गरेको छ ।
लिग अन्तर्गत बुधबार भएको खेलमा आर्मीले कीर्तिपुर बास्केटबल क्लबलाई ७८-५८ स्कोरले पराजित गर्दै आर्मीले तेस्रो जित निकालेको हो ।
आर्मीको जितमा रोविन खत्रीले २६ अंकको योगदान दिए । प्लेयर अफ दि म्याच रोविन नै चुनिए ।
जितसंगै आर्मीले ३ खेलबाट ६ अंक जोडेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ८ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
