काठमाडौं । गोल्डेन गेट इन्टरनेसनल क्लबले क्विक्स नेपाल बास्केटबल लिगमा पहिलो जित दर्ता गरेको छ ।
राजधानीमा जारी लिग अन्तर्गत मंगलबार भएको खेलमा गोल्डेन गेटले बुढानिलकन्ठ नगरपालिका बास्केटबल क्लबलाई ८५-७० स्कोरले पराजित गरेको हो ।
गोल्डेन गेटको जितमा कर्मा गुरुङले २० अंक जोडे ।
जितसंगै गोल्डेन गेटले २ खेलबाट ३ अंक जोडेको छ । बुढानिलकन्ठको यो पहिलो हार हो । बुढानिलकन्ठको पनि ३ अंक रहेको छ ।
प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ८ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ।
