बुढानिलकण्ठ र रोयलको जित

काठमाडौं । बुढानिलकण्ठ नगरपालिका बास्केटबल क्लब र रोयल बास्केटबल क्लबले  क्विक्स नेपाल बास्केटबल लिगमा विजयी सुरुवात गरेका छन् । 

 

आइतबार भएको खेलमा बुढानिलकण्ठले किर्तिपुर बास्केटबल टिमलाई ७०-५६ स्कोरले पराजित गर्यो । बुढानिलकण्ठका लागि सौरभ श्रेष्ठले १५ अंक जोडे ।

 

यस्तै रोयलले साउथ साइडर्स बास्केटबल क्लबलाई ७०-६२ स्कोरले पराजित गर्यो । रोयलका अमृत कोइरालाले १० अंक जोडे ।

 

प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ८ टोलीले प्रतिस्पर्धा गरिरहेका छन् । लिग डबल राउण्ड रोबिन लिगका आधारमा होम एण्ड अवे आधारमा खेलाइनेछ । ५५ दिन चल्ने प्रतियोगितामा कुल ६८ खेल हुनेछ ।