काठमाडौं । नेपालका युवा खेलाडी प्रिन्स दाहाल थाइल्यान्डमा जारी ‘योनेक्स सिन्घा रोजा जुनियर इन्टरनेशनल च्यालेन्ज' ब्याटमिन्टन प्रतियोगिताको सेमिफाइनलमा प्रवेश गरेका छन् ।
यू–१७ ब्वाईज एकलको क्वाटरफाइनलमा प्रिन्सले थाइल्यान्डका नत्थापी श्रीआनलुकलाई २–० को सोझो सेटमा पराजित गरे ।
प्रिन्सले थाइल्यान्डको ३ नम्बर वरियताका नत्थापीलाई २१–१३ र २१–१४ को सोझो सेटमा हराएर सेमिफाइनलमा स्थान बनाएका हुन् ।
प्रतियोगितामा २२ राष्ट्रका २ सय ५६ खेलाडीको सहभागिता भएको प्रतियोगितामा प्रिन्सले सेमिफाइनलमा स्थान बनाउदै पदक पक्का गरेका छन् ।
प्रिन्सले सेमिफाइनलमा भारतका बिकास यादवको सामना गर्नेछन् ।
