लुम्बिनी प्रदेशस्तरीय मेयर कप ब्याडमिन्टन प्रतियोगिता शुक्रबारदेखि

बुटवल। चौथो लुम्बिनी प्रदेशस्तरीय मेयर कप ब्याडमिन्टन प्रतियोगितामा ३ विधामा प्रतिस्पर्धा हुने भएको छ। 

बुटवल ब्याडमिन्टन क्लबको आयोजनामा बुटवल–११ देवीनगर माँझगाउँस्थित कर्भडहलमा प्रतियोगिता शुक्रबार र शनिबार हुने तय छ। 

कार्यक्रम संयोजक तथा क्लबका तृतीय उपाध्यक्ष भानु केसीका अनुसार प्रतियोगितामा मेन्स डबल, भेट्रान्स डबल (५५ वर्षमाथि), र मास्टर भेट्रान्स डबल   (४५ वर्ष माथिकोले ३५ वर्ष माथिकोलाई पार्टनर बनाएर खेल्नु पर्ने ) गरी ३ विधामा प्रतिस्पर्धा हुनेछन्। 

मेन्स डबलतर्फ प्रथम हुने टिमले ४० हजार रुपैयाँ, दोस्रो हुने टिमले ३० हजार रुपैयाँ र तेस्रो हुने टिमले २० हजार रुपैयाँ प्राप्त गर्नेछन्। त्यसै गरी ५५ वर्षमाथिको  भेटरान्स डबलतर्फ प्रथम हुने टिमले २० हजार रुपैयाँ, दोस्रो हुने टिमले १५ हजार रुपैयाँ र तेस्रो हुने टिमले १० हजार रुपैयाँ प्राप्त गर्नेछन्।

यस्तै ३५ वर्षमाथि र ४५ वर्षमाथिको मास्टर भेटरान्स डबलतर्फ प्रथम हुने टिमले ३० हजार रुपैयाँ, दोस्रो हुने टिमले २५ हजार रुपैयाँ र तेस्रो हुने टिमले २० हजार रुपैयाँ पुरस्कार प्राप्त गर्ने व्यवस्था गरिएको छ।