पुरुष क्रिकेटमा एपीएफलाई स्वर्ण

बाँके । एपीएफ क्लबले आठौं राष्ट्रिय खेलकुद अन्तर्गत पुरुष क्रिकेटमा स्वर्ण पदक जितेको छ ।

बुधबार भएको फाइनलमा नेपाल पुलिस क्लबलाई ३२ रनले पराजित गर्दै एपीएफले स्वर्ण पदक जितेको हो । 

कोहलपुर अन्तराष्ट्रिय क्रिकेट मैदानमा एपीएफले दिएको १११ रनको लक्ष्यसहित जवाफी ब्याटिङ गरेको पुलिसले २० ओभरमा ९ विकेट गुमाएर ७८ रन मात्र बनाउन सक्यो । 

यसअघि टस जितेर पहिले ब्याटिङ गरेको एपीएफले २० ओभरमा ८ विकेट गुमाएर ११० रन बनाएको थियो । 

पुरुष क्रिकेटमा आर्मीले कास्य पदक जित्यो ।  आर्मीले प्रदेश नं. १ लाई ६९ रनले हरायो ।