धरान । पुर्वान्चल कै सर्वाधिक ठुलो फुटसल प्रतियोगिता 'बिग फुट रनिङ फुटसल' बैशाख तेस्रो साता धरानमा आयोजना हुने भएको छ ।
आयोजक बिग फुट फुटसलले तेस्रो संस्करणको प्रतियोगिता बैशाख १८ देखि २० गतेसम्म आयोजना हुने जानकारी गराएको छ ।
प्रतियोगिताको सम्पूर्ण खेलहरु आयोजक फुटसलको मैदानमा हुने प्रतियोगिता संयोजक योगेन राईले खेलपाटीलाई जानकारी गराए ।
लिग कम नकआउटका आधारमा हुने प्रतियोगितामा पुर्वान्चलका २४ देखि २५ टोलीको सहभागिता रहने संयोजक राईले बताए ।
प्रतियोगिताको विजेताले ५५ हजार ५५५ रुपैया र उपविजेताले २२ हजार २२२ रुपैया नगद पुरस्कार पाउने छन् ।
यस्तै प्रतियोगिताको उत्कृष्ट खेलाडी, उत्कृष्ट गोलकिपर र सेमिफाइनल पछिका हरेक खेलका म्यान अफ दि म्याच हुने टोलीलाई नगद पुरस्कार प्रदान गरिने आयोजकले जनाएको छ ।
खुल्ला प्रतियोगिता रहेको कारण राष्ट्रिय तथा अन्तराष्ट्रिय खेलाडीले समेत प्रतियोगितामा सहभागिता जनाउन पाउने छन् ।
प्रतियोगितामा सहभागिता जनाउन ३ हजार दर्ता शुल्क लाग्नेछ । प्रतियोगिताका लागि बैशाख १७ गतेसम्म टिम दर्ता गराउन सकिने छ।
