बाँके । आठौँ राष्ट्रिय खेलकुद प्रतियोगिता अन्तर्गत पौडीमा आर्मीकी गौरिका सिंहले स्वर्ण जितेकी छिन् । नेपालगञ्जमा आईतबार सुरु प्रतियोगिताको पहिलो दिन कान्छी ओलम्पियन गौरिकाले महिला ८ सय मिटर फ्रिस्टाईलमा स्वर्ण जितेकी हुन् ।
आर्मीकी उपास्ती महर्जनलाई पराजित गरि गौरिकाले स्वर्ण हात पारिन् । सोही स्पर्धामा पुलिस क्लबकी सामिरा शोभा थापाले काँस्यमा चित्त बुझाइन् ।
पहिलो दिन एनआरएनले समेत एक स्वर्ण जितेको छ । एनआरएनका नाथनध्वज श्रेष्ठले स्वर्ण जितेका हुन् । उनी पुरुष ८ सय मिटर फ्रिस्टाइलमा पहिलो भएका थिए । सो विधामा एपीएफका नासिर हुसैन रजत र एपीएफकै अर्जिन महर्जनले काँस्य जिते ।
यस्तै, पुरुष २ सय मिटर बटरफ्लाई पौडी प्रतियोगितामा त्रिभुवन आर्मीका अनुभव सुब्बाले स्वर्ण जिते । उनले २ मिनेट २० सेकन्डमा दूरी पार गरे । भने, २ मिनेट २३ सेकन्डमा दूरी पार गरि एनआरएनका नथनध्वज श्रेष्ठले रजत र नेपाल पुलिस क्लवका सैयद हमजा शाहले कास्य पदक जिते ।
